बुटवलका सडकमा गुड्ने टिप्परलाई टाईमकार्ड लागू

बुटवलका सडकमा गुड्ने टिप्परलाई टाईमकार्ड लागू

समाचार
Spread the love

२०७७ माघ ५, सोमवार

बुटवलका सडकमा गुड्ने टिप्परलाई लुम्बिनी प्रदेश ट्राफिक प्रहरी कार्यालय बुटवलले टाईमकार्ड लागू गरेको छ । तीब्र गतिमा गुड्ने टिप्परका कारण सडक दुर्घटनाको जोखिम बढेको भन्दै लुम्बिनी प्रदेश ट्राफिकले टाईमकार्डको ब्यबस्था गर्न लागेको हो । लुम्बिनी प्रदेश ट्राफिक प्रहरी कार्यालय बुटवलले सोमबार आफ्नै कार्यालयमा पत्रकार सम्मेलनको आयोजना गरी टाइम कार्ड र ट्राफिक प्रहरीका अन्य गतिबिधिबारे जानकारी गराएको हो ।

कार्यालयमा आयाेजित पत्रकार सम्मेलनमा बाेल्दै लुम्बिनी प्रदेश ट्राफिक प्रहरी कार्यालयका प्रमुख प्रहरी उपरीक्षक डम्बर वि.क. ले पहिलो चरणमा खानीस्थल पाल्पाको दोभानदेखि भैरहवा अञ्चलपुर र बुटवल धागोकारखाना सम्म र धागो कारखानादेखि नवलपरासीको सुनवलसम्म टाईम कार्ड लागू गरिएको जानकारी दिए ।

टाइमकार्ड सँगै ६ लेन सडकमा यात्रुबाहक सवारी साधन तथा मालवहाक सवारी साधनहरुले आफ्नो गतीअनुसार प्रयोग गर्ने लेनका बारेमा प्रयोग गर्न सिकाइने उहाँले बताउनुभयो । विभिन्न ठाउँमा सडकको प्रयोग तथा नियम बारे भिडियो तथा होर्डिङ बोर्डहरु राखी सचेतना फैलाउनुका साथै नियम विपरित जानेलाई कारबाही गरिने वि.क.को भनाई रहेको छ ।

यसरी तोकिएको समय अनुसार अब दोभानदेखि धागो कारखानासम्म ११ किलोमिटरको दुरीमा प्रतिघण्टा २० किलोमिटरको गतिमा मात्रै टिप्पर चलाउन पाईनेछ ।

ट्राफिक प्रहरीले ११ किलोमिटरको यो दुरीमा ३३ मिनेट समय तोकेको छ । त्यस्तै धागो कारखानादेखि सुनवलसम्म २३ किलोमिटर दुरीमा प्रतिघण्टा ३० किलोमिटरको गतिले ४६ मिनेट समय तोकिएको प्रहरी उपरीक्षक विकले बताए । त्यस्तै सबैभन्दा व्यस्त रहने दोभान भैरहवासम्मको २६ किलोमिटर दुरीमा प्रतिघण्टा ३० किलोमिटरको गतिले ५६ मिनेट समय तोकिएको छ ।

Leave a Reply

Your email address will not be published. Required fields are marked *