सम्पर्कविहिन भएका कपिलवस्तुका ‘टुरिष्ट गाइड’ राहुल २३ दिनपछि फेला

सम्पर्कविहिन भएका कपिलवस्तुका ‘टुरिष्ट गाइड’ राहुल २३ दिनपछि फेला

समाचार
Spread the love

२०७७ मंसिर १०

गत कार्तिक १७ गते विद्यालय जान भनी घरबाट निस्केर सम्पर्कविहिन भएका कपिलवस्तुका ‘टुरिष्ट गाइड’ राहुल शाहनी २३ दिनपछि बुधबार फेला परेका छन् । उनलाई बुधबार जिल्लाको यशोधरा गाँउपालिका वडा नं. ७ मर्यादपुर स्थितमा भारतबाट नेपालतर्फ आउदै गरेको अवस्थामा प्रहरीले फेला पारेको हो ।

सानै उमेरमा ऐतिहासिक बुद्ध स्थल तिलौराकोट र बुद्धको जीवनी बारे परिचय दिएर र पर्यटकलाई व्याख्या गरी चर्चामा आएका उनलाई फेला पारेपछि कपिलवस्तु प्रहरीले परिवारको जिम्मा लगाएको छ । सामान्य परिवारका राहुलले गौतमबुद्धले २९ वर्ष बिताएको स्थल तिलौराकोट आउने विभिन्न देशका पर्यटकलाई त्यहाँको भौतिक संरचनाका विषयमा बुझाउने गर्छन् ।

राहुललाई फेला पारेपछि उनका बुबा रिंकु शाहनीले राहुलको अवस्थामा सामान्य रहेको बताउँदै अन्य विवरण बारे पछि कुरा गर्ने बताए । उनीसँग नेपाली, हिन्दी, अंग्रेजी, चिनियाँ, थाईलगायत सात देशका भाषाको ज्ञान रहेको छ । तिलौराकोटको ऐतिहासिक तथ्य र महत्व बारे विस्तृत रुपमा पर्यटकलाई जानकारी गराएर उनी चर्चामा आएका हुन् ।

Leave a Reply

Your email address will not be published. Required fields are marked *