१६ पुष २०७८, शुक्रवार
बुटवलमा जारि चौथो औद्योगिक प्रदर्शनी तथा ब्यापार मेला-२०७८ मा आज शुक्रबार विशेष सांगीतिक कार्यक्रम हुने भएको छ । अंग्रेजी नयाँ वर्षको अघिल्लो दिन आज दिउँसो सांगीतिक कार्यक्रम तथा सांझ ७ बजेदेखि न्यु इयर लाइभ कन्सर्ट हुने भएको हो ।
मेला सांस्कृतिक कार्यक्रम संयोजक यमलाल मरासिनीका अनुसार आज शुक्रबार लोक तथा दोहोरी एवम ब्याटल गायिकाको रुपमा परिचित गायिका प्रिति आले, लोक तथा दोहोरी गायक पुस्कल शर्मा, गायक देबेन्द्र बब्लु, गायक सौगात सायर, गायक अनिल पहाडी, गायिका डिला बिक, डान्सर रुबिना अधिकारी, नन्दु परियार तथा एक खुट्टाले नाच्ने डान्सर रोमा न्यौपाने सहित एक दर्जन बढी कलाकारको प्रस्तुति रहने छन् ।
यस्तै मेलामा जारि ओसियन अटो प्रदर्शनी डान्स आइडल, बिद्यालय स्तरिय नृत्य प्रतियोगिता पनि हुनेछ । सांझको नयां वर्ष विशेष कार्यक्रममा प्रिति आले, गायक देबेन्द्र बब्लु, डान्सर रुबिना अधिकारी, सौगात सायर, नुमा थापा, सृष्टि रणपाल, डीजे पोन्चिभोको प्रस्तुति रहने मरासिनीले जानकारी दिए । स्वाधीन अर्थतन्त्रका लागि राष्ट्रिय औद्योगिकरण तथा ब्यापार विविधिकरण नाराका साथ पुस २० गतेसम्म चल्ने मेलामा स्वदेशी र विदेशी गरी ४ सय ७० स्टल रहेका छन् ।
